Falšna hra

We wjacornem pśedstajenju ptaškoweje swajźby wuwjeźomy publikum do schowanego nugłyška łužyskego miljeja małego wuměłstwa. Dłujko smy na to cakali. Skóńcnje dojźo wócakowana powěsć! Gańkotaty ansambl wokoło grajnego wjednika Šćěpana dostanjo šansu, na festiwalu pokazaś, co wumějo. Zwjaseleca powěsć rozšyrijo se ako wogeń pó cełej jsy a wuwołajo pśechwatajucy wótgłos. Juskanje jo wjelicne. Ale njezjapki grozy wšo zajś.
Šćěpan njejo jano šef małeje kompagnije, ale tejerownosći póbratš za swójogo pśijaśela Frida, kenž móžo lěbda hyšći docakaś, aby ze swójeju Leńku ako njewjestu pśed swajźbny hołtaŕ stupił. Wšykno by było derje, gaby Frido dla někotarych misnjenjow na probach njezgubił dowěru do swójogo muzikaliskegp talenta. Šćěpan měni, až jo pśedstojeca swajźba wina na Fridowem njekoncentrěrowanem graśu. Wón jomu pśijaznje pśigranja. Pśez pilne zwucowanje, tak jo teke Leńka pśeznanjona, by jeje nawóžeń zasej namakał swóju wěstosć a wirtuoznosć pśi graśu. Zwucuj, zwucuj, zwucuj su dobre rady, kótarež se ze wšych bokow na Frida sypaju. Ale gerc Frido jo zgubił dowěru do sebje samego. Tšojenje se wšak na pśechwatajucy part změnijo – lěc dej swajźba na kóńcu do wódy padnuś?

Pśedstajenje jo w serbskej rěcy. Simultane pśestajenje do nimskeje rěcy se póbitujo.

kórtki:
za Chóśebuz: tiketowy serwis Statnego źiwadła Cottbus/Chóśebuz, Serbska kulturna informacija LODKA