KULTURNA ZAHRODA

Lětni event pod hołym njebjom Serbskeho ludoweho ansambla w Byrgarskej zahrodźe

Wotpočńće při gastronomiskim poskitku.
Dajće sej chowanje słónca nad Budyskim starym městom lubić.
Při dobrej hudźbje a zabawje.
Kóždu sobotu druhi zajimawy program.
Při dobrym wjedrje w Byrgarskej zahrodźe. Při špatnym wjedrje w žurli ansambla.
Zastup wot 18.30 hodź.
Zastupna płaćizna 8 €

Duo Helena a Jan

Helena Brězan-Hejdušcyna – spěw
Jan Brězan-Hejduška – klawěr

sobotu, 6. junija 2026, 19:30 hodź.

Helena Brězan-Hejdušcyna je młoda spěwarka a komponistka, kotraž předstaja serbske, němske a jendźelske popowe spěwy a balady. Hłownje wustupuje wona zhromadnje z přewodom band abo klawěrnym přewodom. Za Kulturnu zahrodu zdoby sej Helena lětsa pianista Jana Brězan-Hejdušku, kiž ju na klawěrje přewodźa. Jako swobodny hudźbnik skutkuje wón w wšelakich wobsadźenjach a natwari sej tak přez lěta šěroku stilistiku w swojim hudźenju. Helena a Jan hižo wjacore lět zhromadnje hudźitaj a zwjazataj jeju wuměłske nazhonjenja ze začućom za wupyšenje hudźbnych detailow.

Irish Quoos

Sonja Heinke – keyboard, pišćałka, percussion

Hans Werner Heinke – gitara

Matthias Reichel – fidle

sobotu, 13. junija 2026, 19:30 hodź.

w ramiku Dołheje nocy kultury

Lubosć a rozžahłosć za irsku hudźbu, bazowacu na fidlach, gitarje a keyboardźe - to je Irish Chasow. Třo hudźbnicy, kotrychž so hdys a hdys tež přez originalne irske dudy podpěruja, su so 2024 namakali, zo bychu so horliwe, rejwajomne ale tež zdźěla melancholiske melodije jako zabawnu hudźbu podobnje kaž w irskich pubach zahrali. Historisce znowa natwarjeny dom kata z tradicionalnym wětrnikom na kózłach pola Chasowa bě mjenodawar a pochad band.

Salonowa hudźba

Serbska komorna filharmonija

Kristina Nerád - moderacija

sobotu, 20. junija 2026, 19:30 hodź.

Serbska komorna filharmonija předstaji pod titulom „Salonowa hudźba“ wotměnjawy program zabawneje hudźby 19. a zažneho 20. lětstotka. Walčiki, polki a serenady zetkaja znate operetowe melodije a zrědka hrate twórby. Lochka hudźba, w zwuku sylne wobdźěłanja a tón jedyn abo tamny žortny wokomik postaraja so wo zabawny koncertny wječor.

The Seasons

Susanne Moewes – spěw
Peter Moewes - piano, spěw
Sebastian Lebelt - gitara, spěw

njedźela, 21. junija 2026, 19:30 hodź.

W ramiku Fėte de la Musique

Hudźbne korjenja Seasonow sahaja daloko do zańdźenosće: Hornjołužičanaj Susanne a Sebastian pućujetaj hižo wot lěta 1994 ze spěwami z repertoira swojeje prěnjeje band The Remedies a z cover-titulemi po barach a klubach. Dwě lěće pozdźišo wobohaći Peter – tohorunja wot skupiny The Remedies – sound na swojim fender-pianje w awtentiskim stilu 70tych lět a z třećim hłosom. Trio prezentuje, nimo najlubšich spěwow wot Crosby, Stills, Nash & Young, skupin Stereophonics a Jamiroquai abo hudźbnicy Joni Mitchell, předewšěm swójske kompozicije z měšeńcu soula, rocka, folka a jazza, aranžowane w třihłósnych sadźbach.

Hórnik a Winkelbauer

Matteo Hórnik – gitara
Karl Winkelbauer – gitara

sobotu, 27. junija 2026, 19:30 hodź.

Matteo Hórnik a Karl Winkelbauer zeznaštaj so jako šulerjej hudźbneho gymnazija Schloss Belvedere we Weimarje a studujetaj tučasnje zhromadnje na Wysokej šuli za hudźbu Franz Lizst, tohorunja w samsnym měsće. Zwjazanaj staj přez jeju wulku zahoritosć za hraće na gitarje a w jeju zhromadnym dźěle jako duo. Publikum smě so wjeselić na pisany program: wot serbskich rejow přez twórby klasiskeje gitaroweje literatury hač k łaćonskoameriskim rejam. Dajće so zahorić wot bohateho zwuka gitary a jeje sylneho wuraza.

Lila Despoix Trio - Chanson zetka Jazz

Lila Despoix – spěw
Sebastian Wappler – klawěr
Johann von Ruthendorf – wioloncello

sobotu, 4. julija 2026, 19:30 hodź.

Trio wokoło francoskeje spěwarki Lila Despoix přeproša na hudźbnu jězbu po wšelakich barbach a naladach. Jeje zwuk zwjaza jazz, folk a soul z elegancu francoskeho chansona a originelnymi samokompozicijemi. Wot lěta 2023 woni zhromadnje koncertuja. Tute koncerty su runočasnje měrne a zaso sylne, ale tež raz zasonjene a njemało ludźi sobu torhnje. Wjeselće so na dožiwjenje połneje poezije, groova a někotrymi překwapjenkami.

Fünf an der Feier

Carsten Schneider – akordeon, spěw
Jan Hórnik – kontrabas
Peter … – klarineta
Heiko Mittag – cajon, Percussion
Gernot Schweitzer – gitara

sobotu, 11. julija 2026, 19:30 hodź.

Dlěje hač 10 lět je skupina „Fünf an der Feier“ nětko hižo po Łužicy po puću a swojemu kredej „hudźba z woprawdźitej dokonjanosću po móžnosći blisko publikumej“ stajnje swěrna wostała. Wona zabawja swój publikum zasadnje akustisce abo jenož z najnuznišim zesylnjena, na dróze, na swjedźenjach, w najrozdźělnišich jězdźidłach a na swjatočnosćach z hudźbu, hrajkajo sej tež z najwšelakorišimi tekstowymi formami. Šěrokosć repertoira saha při tym wot dixija, walčika, tanga, swinga a klasiki hač k serbskim spěwam. Njerědko přewjeduja při tym hudźbnu jězbu kołowokoło swěta. Wjeselće so na šěsć hibićiwych regionalnych hudźbnikow z akordeonom, klarinetu, kontrabasom, gitaru, cajonom, percussion a dalšimi instrumentami.

Milena Wowčerjec

Milena Wowčerjec – gitara, spěw

sobotu, 18. julija 2026, 19:30 hodź.

Spěwarka Milena Wowčerjec přeprošuje wutrobnje na pisany popowy wječor. Ze swojim čućiwym a intensiwnym wašnjom, němske a jendźelske covery kaž tež samospisane a -skomponowane serbske balady přednjesć, twori wona hnujacu atmosferu, kotraž publikum bjezposrědnje docpěje.

Bistro Manouche

Grigor Shagoyan – gitara, spěw
David Richter – gitara
Malte Berthold – kontrabas

sobotu, 25. julija 2026, 19:30 hodź.

Gypsy-Jazzowa trójka Bistro Manouche bu 2019 w Drježdźanach wot Grigora Shagoyana załožena. Nimo hudźby jazzoweje legendy Django Reinhardt hraje trójka - wobwliwowana wot hudźbnych žanrow jazz, fuzija a funk - tež wjele nowych interpretacijow, kotrež přeprošuja k sonjenju. Bistro Manouche měješe mnohe wustupy w operowych domach, na festiwalach a w jazzowych klubach - hudźbnicy žonglěruja rozžahle mjez klasiku a šansonom. Wobohaćeny budźe cocktail ze žortnym a šarmantnym spěwanjom Grigora Shagoyana.

Duo Hübner – Schönfelder

Matthias Hübner – Cello
Falk Schönfelder – klawěr

sobotu, 1. awgusta 2026, 19:30 hodź.

Filmowy hudźbny komponist Falk Schönfelder a cellist Matthias Hübner zwjazujetaj swój wotpowědny hudźbny background k zwukointensiwnemu dialogej, kotryž mjez radostnej lochkosću a zasonjenym hłubokim zmysłom tam a sem dojězdźuje. Duwo wužiwa cello a klawěr na moderne a mnohostronske wašnje. Najebać klasiske wukubłanje staj hudźbnikaj absolutnaj hraničnikaj na swojim wotpowědnym instrumenće. Tak pućuje jich program wot wulkich zwukowych sferow k transcendentalnym wokomikam a wostanje při tym zahorjejo lóštny, žiwjenjawjesoły a zdobom k sylzam hnujacy…

Falmar

Falko Wiesner – gitara, spěw
Mario Fritzsche – gitary, hubna harmonika, spěw
Kerstin Wiesner – akordeon, spěw
j.h. Sebastian Wiesner – percussion, spěw

sobotu, 8. awgusta 2026, 19:30 hodź.

Su to derje přemyslowane a hibićiwe aranžementy, kiž zwuk skupiny falmar wučinja. W kompozicijach Falka Wiesnera so hakle do dokładnišim słuchanju wožiwjacy soundtrack wotkryje, kiž prudźi z lochkimi melodijemi. Publikum pak smě so tež na někotryžkuli originalnu twórbu a wobdźěłanja klasiskeje gitaroweje literatury wjeselić, runje tak kaž na adapcije popularneje hudźby, kaž wot The Beatles, Eric Clapton, Led Zeppelin a dalšich wuměłcow. Hižo někotre razy bě skupina falmar z hosćom w Kulturnej zahrodźe, lětsa směće so na program „Samtblau“ wjeselić.

rokotak

Milan Grojlich – gitara, spěw
Florian Richter-Kürschner – bijadło
Thomas Wenke – bas
Sebastian Lebelt-Förster – gitara, keyboard

sobotu, 15. awgusta 2026, 19:30 hodź.

"Liedermacherindiefolk" mjenuje Milan Grojlich swoju zwjetša němskorěčnu hudźbu, kotruž mjeztym wjace hač 15 lět pod mjenom rokotak hraje. Tola Budyšan hižo tójšto dlěje hudźbne slědy w Hornjej Łužicy a zwonka njeje zawostaja: Srjedź 1990tych lět jako čłon "Skupiny Łužica", pozdźišo z The Remedies z Hornjeho kraja a w skupinomaj ne:o a bergen z Drježdźan. Pod pseudonymom rokotak stej 2021 a 2023 wušłoj dwaj albumaj, 2024 prěnja serbskorěčna single "Lina". W Kulturnej zahrodźe předstaji rokotak ze skupinu a hosćimi spěwy swojeho noweho, třećeho albuma "Kommen ist wie gehen".

Dieter Beckert

Dieter Beckert = Troubadix z Drježdźan-Pieschen

sobotu, 22. awgusta 2026, 19:30 hodź.

Studowany wyši hajnik a wysoko kubłany spěwar / songowy jěchar z doliny Łobja jěcha ze swojej „Pegasusi“ po wulkotnym swěće brachialneje romantiki. Jasne je: Tež wy njejsće JA. Krupa spěwy a teksty na městnach złamanja planow časa. Kak hodźitej so peace a verpeace tebje poprawom hromadźe a čehodla nic? Slubi so zabawny, pedagogisce hódny wječor. Knjez Beckert je mj.dr. dotal we wuměłskich aliancach z Gerhardom Schöne, Wenzelom & Menschingom a duwom Słónčnik wuměłił.

JANKAHANKA

Józef Brězan-Hrjehor – gitara, spěw
Jan Brězan-Hejduška – klawěr
Syman Handrik – bas
Max Schneider-Grajcarek – bijadło

sobota, 29. awgusta 2026, 19:30 hodź.

JANKAHANKA interpretuja znate serbske ludowe spěwy a předstaja je w nowym šaće. Tež po wjace hač 10 lětach su štyrjo hudźbnicy sebi a swojej hudźbje swěrni wostali. Hač je to rock, funk, indie abo měrna balada – žanry skupiny JANKAHANKA njehodźa so do jedneho kašćika tyknyć. Hakle loni předstajichu hudźbnicy swój nowy album „Wokomiki“ – a tež tónraz smědźa so přisłuchacy na nowe, překwapjace aranžementy wjeselić.