serbski abonement
W hrajnej dobje 2026/2027 přeprošujetej Němsko-Serbske ludowe dźiwadło a Serbski ludowy ansambl na wosebity zhromadny abonement. Žiwu a modernu serbsku kulturu połnje emocijow dožiwiće z dźiwadłom, rejowanskimi produkcijemi a hudźbu na šěsć wubranych rjadach zarjadowanjow.
Takle funguje abonement
Wuzwolće sej ze 6 serbskich poskitkow stajnje jedyn termin,
kotryž so wam hodźi.
1. Skazanski formular wupjelnić
2. Z mejlku na besucherservice@theater-bautzen.de pósłać
abo při dźiwadłowej kasy wotedać
3. Waše kartki so wam připósćelu
Płaćizny
Połnje 97,00 € na wosobu
Potuńšene 67,00 € na wosobu
Kontakt
Němsko-Serbske ludowe dźiwadło Budyšin
Seminarska 12, 02625 Budyšin
besucherservice@theater-bautzen.de
Telefon: 03591 584 270
Naš abonement za was:
MÓJ BOŽO, FLOPPY DOLLS SU ZASO TU
Hudźbne dźiwadło Měrka Brankačka
Zahorjaca jězba mjez tradiciju a modernu –
połna hudźby, humora a łužiskeho žiwjenskeho začuća.
19.09.2026, 19:30 hodź. – Haslow (premjera)
27.09.2026, 16:00 hodź. – Njebjelčanska fara
03.10.2026, 19:30 hodź. – Jednota Chrósćicy
17.10.2026, 17:00 hodź. – Meja Radwor
23.10.2026, 19:30 hodź. – Dźiwadło na hrodźe Budyšin
01.11.2026, 17:00 hodź. – Zeleny wěnc Ćisk
21.11.2026, 17:00 hodź. – Serbski kulturny centrum Slepo
06.12.2026, 16:00 hodź. – Sulšečanski kulturny dom
ZA MARJU – WOSRJEDŹ NOCY
Rejwanske dźiwadło z hudźbu Bohuslava Martinů
K 130. narodninam dr. Marje Grólmusec dopomina balet Serbskeho ludoweho ansambla na jeje njewšědne žiwjenje.
W srjedźišću steji prašenje, kak móža ludźo w času namocy, stracha a potłóčowanja swoju čłowjeskosć wobchować. Choreografija powěda wo nutřkownej sylnosći, dopomnjeću a zwjazanosći kaž tež wo woli, so nic złamać dać.
choreografija: Mia Facchinelli
teksty nahrawane wot Gabriela Marija Šmajdźina
17.10.2026, 19:30 hodź. – SLA Budyšin
31.10.2026, 19:30 hodź. – SLA Budyšin
24.04.2027, 19:30 hodź. – SLA Budyšin
WJEČORNY PATČI KWAS
Poetiski a lóštny wječor wo lubosći, času a zhromadnosći.
16.01.2027, 16:00 hodź. – Komorne jewišćo Choćebuz
16.01.2027, 19:30 hodź. – Komorne jewišćo Choćebuz
23.01.2027, 16:00 hodź. – Jednota Chrósćicy
23.01.2027, 19:30 hodź. – Jednota Chrósćicy
24.01.2027, 16:00 hodź. – SLA Budyšin
30.01.2027, 19:30 hodź. – Slavia Radwor
31.01.2027, 16:00 hodź. – Serbski kulturny centrum Slepo
06.02.2027, 16:00 hodź. – SLA Budyšin
06.02.2027, 19:30 hodź. – SLA Budyšin
07.02.2027, 16:00 hodź. – Wjesna hospoda Bukecy
ČAKAĆ NA BUS
Dźiwadłowa hra Olivera Bukowskeho
hrajna wersija wot Esther Undisz
Přećelej čakataj na busowym zastanišću we Łužicy – wutrobnje, sprawnje a z drobnym humorom přećiwo radikalizmej kóždeho razu.
13.02.2027, 19:30 hodź. – Wulki dom, NSLDź Budyšin
Z witanjom abonentow a přijećom ze sektom.
SINFONISKE KONCERTY
Hudźbne wjerški na wulkej žurli Serbskeho ludoweho
ansambla
13.03.2027, 19:30 hodź. – „Wjele hary wo ničo“
09.05.2027, 19:30 hodź. – „Són lětneje nocy“
31. BUDYSKE LĚTNE DŹIWADŁO
Dźiwadło pod hołym njebjom na dworje Budyskeho hrodu.
26.06.2027, 20:30 hodź. – dwór Budyskeho hrodu
18:00 hodź. – ekskluziwne wodźenje po Budyšinje w serbskej rěči
