Wjednistwo

Tomas Kreibich-Nawka

intendant
 

intendanz@sne-gmbh.com

Tel.: +49 3591 358 101

Tomaš Kreibich-Nawka studowaše wot 1999-2003 filozofiju, teologiju a hudźbne wědomosće na techniskej uniwersiće w Drježdźanach. Po tym dźěłaše jako wědomostny sobudźěłaćer a pozdźišo jako docent, hłownje pak hač do lěta 2020 jako swobodny hudźbnik. Mjez druhim běše korepetitor na Palucca Wysokej šuli za reju we wobłukach klasiska reja, načasna reja a improwizacija. Tu nastachu w kooperaciji mnoho kompozicijow za načasne choreografije. Nimo toho běše Tomaš Kreibich-Nawka pianist skupiny “Dresden Frankfurt Dance Company”, kiž ma swoje sydło w europskim centrumje wuměłstwow w Hellerau. Jako hudźbnik w studiju a live na jewišću běše wón w tutym času woblubowany hóstny wuměłc. Wot 2019 dźěła wón při Serbskim ludowym ansamblu a wot lěta 2021 je wón Intendant ansambla. Tomaš Kreibich-Nawka je w Hornjej Łužicy wotrostł a wuknješe klawěr pola Liany Bertókoweje, kiž jeho z tym tež hudźbnje wobwliwowaše. Wón je ženjeny ze Serbowku a ma dwě dźěsći. https://soundcloud.com/samotakwan

Diana Wagnerec

překupska jednaćelka

geschaeftsfuehrung@sne-gmbh.com

Tel.: +49 3591 358 101

Katharina Dickopf

dirigentka / orchestrowa nawodnica

orchesterleiter@sne-gmbh.com

Tel.: +49 3591 358 0

W Berlinje rodźena dirigentka a interdisciplinarnje agěrowaca wuměłča steješe hižo před mnohimi mjezynarodnymi orchestrami, mjez nimi MDR-sinfoniski orchester, Sakska statna kapała Drježdźany a Cairo Symphony Orchestra. Wona dirigowaše na koncertach we wobłuku festiwalow kaž Pablo Casals festiwala, Heidelbergskeho nalěća a Pärnu Music festiwala. Angažementy a asistency wjedźeše wona w domach kaž Mecklenburgskim statnym dźiwadle Schwerin, dźiwadle a orchesterje Heidelberg kaž tež w krajnym jewišću Sakskeje.
W lěće 2019 załoži wona Acantun Kolektiw, zwjazk komponistow, kotryž wěnuje so wuwiću a předstajenju nowych koncertnych programow ze wšelakimi ansamblemi. Jako režiserka inscenowaše mjez druhim komornu operu „Leonce a Lena“ Kurta Schwaena kaž tež projekt „Profesor Bad Trip“ Fausta Romitellija. W hrajnej dobje 2024 / 25 přewza nawod orchestra Serbskeho ludoweho ansambla.

www.katharina-dickopf.de

Tvrtko Karlović

nawoda chóra
 

chordirektor@sne-gmbh.com

Tel.: +49 3591 358 0

Tvrtko Karlović narodźi so 1963 w Sarajevje a studowaše dirigowanje za chór a orchester pod nawodom profesora Julia Marica na hudźbnej akademiji w Sarajevje a pola profesora Františeka Vajnara w Praze.
Wón skutkowaše hižo jako chórowy nawoda w Narodnym dźiwadle w Sarajevje, w Dźiwadle F.X. Šaldy w Libercu, w Narodnym dźiwadle w Ostrawje a w statnej operje w Praze.

Mia Facchinelli

baletna mišterka

bm@sne-gmbh.com

Tel.: +49 3591 358 120

Rodźena w Italskej, studowaše reju/choreografiju w swojim ródnym kraju kaž tež w Mnichowje, Stuttgarće a w Šwicarskej. Prěni angažement dowjedźe ju do Nordhausena, po tym dźěše k Němskej rejwanskej company do Neustrelitza, doniž njepřińdźe 1994 jako skupinska rejwarka do Serbskeho ludoweho ansambla. Tu rejwaše wot lěta 2000 do 2008 jako solistka, a wot 2003 do 2005 bě zdobom nawjedowaca trenerka. Wot 2008 do 2011 studowaše w Drježdźanach na Palucca- šuli/Wysoka šula za reju rejwansku pedagogiku ze specializowanjom na klasisku a modernu reju. W tutym času zběraše tež nazhonjenja we wobłuku dźěćaceje reje, jazz-danca a Graham-techniki. Wot 2011 je baletna mišterka SLA.
Mia Facchinelli stwori za SLA wjele choreografijow, mjez druhim za silwesterske a nowolětne koncerty, „Wobliča lubosće / Le sacre du printemps“ , „Što zwostanje?“ abo za aktualnu inscenaciju rejohry „Kupa zabytych“.

Marcus Olms

techniski nawoda

technik@sne-gmbh.com
Tel.: +49 3591 358 126

Kathleen Lehmann

mišterska šwalča

schneiderei@sne-gmbh.com

Tel.: +49 3591 358 122

Doporučenja