Waše hłowne nadawki su:
•    jednaćelstwo při organizatoriskich a administratiwnych nadawkach podpěrać
•    powšitkowna běrowowa organizacija (korespondencu a póštu wobdźěłać, terminy koordinować, podłožki składować)
•    hosći přijimać kaž tež posedźenja přihotować
•    protokole posedźenjow zhotowjeć
•    próstwy a wotličenja słužbnych jězbow jednaćelstwa wobdźěłać
•    k najwšelakorišim temam rešeršować a informacije wobdźěłać
•    po potrjebje projekty samostatnje wobdźěłać
•    je-li trjeba, teksty z němčiny do hornjoserbšćiny přełožować

Naše žadanja na Was:
•    wotzamknjene wukubłanje jako překupc abo přirunujomna kwalifikacija 
•    w najlěpšim padźe nazhonjenja w dźěle z wopisowanymi nadawkami
•    jara dobre znajomosće němčiny a w najlěpšim padźe tež serbšćiny
•    ertne a pisomne wobknježenje jendźelšćiny je wužitne
•    wěste wobknježenje MS-Office (Word, Excel, Outlook)
•    samostatne dźěło a wušikna organizacija wotběhow
•    přećelnosć a jara dobre komunikaciske zamóžnosće

Skićimy Wam:
•    mnohostronske nadawki ze zamołwitosću w dźiwadłowym zawodźe
•    połne dźěłowe městno z wukonej wotpowědowacej mzdu, měrjacej so na wosobinskich wuměnjenjach po tarifowym zrěčenju krajow (TV-L)
•    płaćenje wosebitych lětnych přiražkow a 30 dnjow dowola na lěto
•    móžnosće dalekubłanja

Dźěłowe městno je w Budyšinje.
Zajimujeće-li so za městno, wjeselimy so na Waše dospołne požadanske podłožki hač do 31. měrca 2026 na Serbski ludowy ansambl ptzwr, Wonkowna Lawska 2, 02625 Budyšin abo z mejlku na info@sne-gmbh.com.