Dalina

Dožiwće njewšědny wječor z dwěmaj předstajenjomaj, kotryž zwjazuje hudźbu a dźiwadło a wotbłyšćuje žiwjenje čłowjeka, přirodu a identitu. Twórbje njemóhłoj rozdźělnišej być. Tola stupitej do dialoga a rozestajatej so ze zašłosću a přichodom, z herbstwom a inowaciju – Die Fischerin z pjera Emilije Mayer a prapremjera serbskeje hry Róže Domašcyneje Ptačk architektki, skomponowaneje wot Christiana Mietki. Wobě twórbje rozestajatej so z poměrom mjez čłowjekom a wobswětom. W zhudźbnjenju Emilije Mayer krucha Goetheho Die Fischerin zwjaza so mystiska móc morja ze žadosćemi a konfliktami čłowjeka. Prapremjera Ptačk architektki powěda wo bjezdźěłnej architektce, kiž wuwiwa z pomocu potajneho ptaka nowu wiziju za wopušćene industrijowe stejišćo. Wobaj kruchaj zwjazujetej přirodu, kulturu a herbstwo kaž tež refleksije wo zašłosći a přichodźe. Wječor přeprošuje do dialoga mjez tradicionelnymi a modernymi perspektiwami.