1. Sinfoniski koncert

Jean Kurt Forest
Suite nach sorbischen Volksmelodien

Jan Rawp
Symphonie verte-bleue

Alexander Zemlinsky
Waldgespräch

Dmitri Schostakowitsch
Kammersinfonie Op. 73a (Arr. R. Barshai)

Serbska komorna filharmonija pod nawodom Kathariny Dickopf zahaji swoju nowu koncertnu sezonu a předstaji štyri twórby 20. lětstotka. Titul 1. sinfoniskeho koncerta je „Aus der Ohnmacht“ (Z womory) a poćahuje so wosebje na baladu „Waldgespräch“ (Lěsna rozmołwa) za sopran a mały orchester awstriskeho komponista Alexandera Zemlinskeho a na Komornu sinfoniju op. 73 a Dmitrija Schostakowitscha, kiž koncert zakónči. 
Zemlinske zhudźbnjenje basnje Josepha von Eichendorffa stwori potajnu, nimale tyšnu přirodnu kulisu. Hudźba špiheluje začuće cuzby w symboliskej rěči lěsa a tematizuje eksistencu jednotliwca w swěće, kotryž dźeń a mjenje zrozumi.
Twórba Schostakowitscha pokaza ambiwalencu wonkowneho přiměrjenja a nutřkowneje rewolty w totalitarnym systemje. Sarkazm, bolosć a sćehnjenje woprawdźitosće – to su zapřijeća, kiž wopisaja Smyčkowy kwartet čo. 3 op. 73 najlěpje. Wobdźěłanje Rudolfa Barschaia na Komornu sinfoniju op. 73 a wopisanja jenož hišće bóle wožiwja.
Ze „Suitu přez serbske ludowe pěsnje“ Berlinskeho komponista Jeana Kurta Foresta z lěta 1953 so koncertny wječor zahaji. Komunist a antifašistiski wojowar bě po Druhej swětowej wójnje rozsudnje na natwarje hudźbneho žiwjenja w NDR wobdźěleny. Móžno, zo skedźbnjachu wustupy serbskich wuměłskich ansamblow za čas III. swjedźenskich hrow młodźiny a studentow w Berlinje w awgusće 1951 jeho na kulturu małeje słowjanskeje mjeńšiny a zo bu tak k tutej kompoziciji inspirěrowany. 
Po suiće sćěhuje interpretacija „Symphonie verte-bleue“ Jana Rawpa, prěnjeje sinfonije serbskich hudźbnych stawiznow scyła. We wšěch pjeć dźělach twórby zwjaza komponist serbske ludowe spěwy a reje ze swójskej hudźbnej rěču a myslemi.
Solistiske dźěle we koncerće přewozmje sopranistka Romy Petrick.