Naša duša – a přeco bě tam spěw

folklorny koncert z orchestrom SLA

Spěw je najrjeńša forma swoje začuća a strachi zwuraznić. Orchester Serbskeho ludoweho ansambla to z nowym jewišćowym programom » Naša duša – a přeco bě tam spěw « wuběrnje dopokaza. Nimo znatych arijow z oratorijow „Nazyma“, „Podlěćo“ a „Žně“ Korle Awgusta Kocora, kiž předstajitaj Mira Walerych-Szary (mezzosopran) a Mikołaj Walerych (tenor), zaklinča najrjeńše serbske ludowe spěwy serbskich komponistow Bjarnata Krawca, Jurja Pilka abo Ulricha Pogody. Nimo tutych wobohaćeja twórby Wolfganga Böhmera a Andreasa Gundlacha wotměnjawy program. Jeju kompozicije nastachu njedawno za ptačokwasne programy a Błótowske bajowe nocy Serbskeho ludoweho ansambla. Wo dalše wjerški postara so na tutym mnohostronskim folklornym wječorku Andreas Henčel. Wón wustupi w běhu programa trójce, a to stajnje z druhimi dudami, darjo z tym přihladowarjam přeco zaso nowe zwukowe dožiwjenje. Program moderěruje wustojnje a zabawnje Kristina Nérad.

NAŠA DUŠA - A PŚECEJ JO BYŁ TAM SPIW

Folklorny koncert z orchestrom SLA

Nowy jawišćowy program » Naša duša – a pśecej jo tam był spiw « jo wuzjawjenje cesćownosći orchestra Serbskego ludowego ansambla spiwoju ako nejrědnjejša a nejdoraznjejša forma, wó swójich zacuśach a tšachach spiwajucy wulicowaś móc. Mimo nejwěcej znatych arijow z oratoriumow „Nazyma“, „Pódlěśe“ a „Žni“ Korle Awgusta Kocora pśedstajone wót solistowu Miry Walerych-Szary (mezzosopran) a Mikołaja Walerych (tenor), móžo se słyšaś wjele z nejrědnjejšych serbskich ludowych spiwow we wobźěłanjach z abo bźez spiwanja. Wjelerakosć serbskich komponistow buźo słyšaś: wót Bjarnata Krawca pśez Jurja Pilka až do Ulricha Pogody. Z rěda komponistow, kótarež su w slědnem casu libreto ptaškoweje swajźby abo powěsćowych nocow Serbskego ludowego ansambla napisali, wobogaśijotej Wolfgang Böhmer a Andreas Gundlach program z kradu zagóritymi numerami.
Wó dalšne wjeraški na toś tom wjelerakem folklornem wjacorku se póstarajo Andreas Hentzschel, kenž zmóžnijo ceło wósebne dožywjenje pśi tśich wustupach stawnje z jadneju hynakšeju družynu dudow. Wěcywuznata Kristina Nérad moderěrujo program na rozwjaselecu wašnju.

WOBSADŹENJE | WOBSAJŹENJE orchester Serbskeho ludoweho ansambla a solisća

HUDŹBNY NAWOD | MUZIKALISKE NAWJEDOWANJE Katharina Dickopf

MODERACIJA Kristina Nerád

Předstajenja

Keine weiteren Aufführungen in dieser Spielzeit.