50 lět ABRAFAXY – jubilejny koncert

Abrafaxy, rjekojo z legendarneho mozaika, swjeća lětsa cyle wosebity jubilej: 50 lět połne dyrdomdejow, humora a njezapomnitych stawizničkow!  Tutón njewšědny podawk zasłuži sej wězo porjadny swjedźeń.  A što móhło tajki jubilej lěpje hódnoćić, hač spektakularny koncert za cyłu swójbu?

1. nowembra 2025 swjeći Serbski ludowy ansambl w Budyšinje swětowu premjeru Vincenta Strehloweje twórby „Z abrafaxami přez čas“.  Tuta wozmje připosłucharjow sobu na rozbudźacu hudźbnu jězbu, kotraž zmóžni wožiwjenje zahorjacych stawiznow abrafaxow  Tola to njeje hišće wšitko!  W tutym swjatočnym koncerće předstajitej so nimo toho wujimkaj z „Abrafaxy-symfonija“ a „Abrafaxy a Čorny młyn“.

Tola koncert je jenož započatk!  Na tutym wosebitym dnju poskića so mnoho rozbudźacych aktiwitow za cyłu swójbu.  W napjatej kompoziciskej dźěłarničce móža so wobdźělnicy sami do swěta hudźby zanurić a swoje kreatiwne ideje k žiwjenju zbudźić.  Młodźina a so młodźi čujacy lubowarjo paslenja móža na paslenskej dróze z nutrnosću a fantaziju małe wuměłske twórby stworić.  Tež kurs rysowanja přeprošuje, ikoniske charaktery abrafaxow na papjeru sputać a při tym swójsku wuměłsku stronu wotkryć.

Dalši highlight tutoho dnja budźe wozjewjenje noweje knihi „Abrafaxy a Čorny młyn“ z wotpowědnej CDku.

Tutón jubilej njeje jenož swjedźeń za swěrnych fanow abrafaxow, ale za wšitkich, kotřiž chcedźa so do magiskeho swěta dyrdomdejow, hudźby a kreatiwity wotwjesć dać.

Swjećće z nami 50 lět Abrafaxy – podawk, kotryž wulcy kaž tež mali fanojo skomdźić njesměli!