Sy swět za mnje

Operetu njewučini jenož dramatika a konfuznje skutkowane hraće na jewišću, ale wosebje tež hnujaca hudźba. Ansamblowcy su z wulkeho poskitka najrjeńše arije, duety, musicalowe a walčikowe melodije wuzwolili a z toho program spletli.
Skutkowni solisća a wulkotny orchester garantuja wosebity wječor. Nimo dynastije Strauss, kiž su stajnje prezentni, zaklinča twórby talentowanych rowjenkow kaž Franza Lehára abo Richarda Taubera. Runje Tauberowa twórba je programej mjeno spožčiła. Wyše toho je tej jednej abo tamnej chłóšćenki serbskeje zabawjaceje hudźbje w programje.
Moderatorka Kristina Nerád wjedźe směšnje a ze stilom přez program. Dajće sej wječor z wjele humorom, lochkosću a zabawy lubić.

"Das war hohe Kunst, die zum überzeugenden Tragen kam … Das war perfekte Abgestimmtheit … Es war so viel Farbe, Kraft, Innigkeit und Wechselvollem … Der verdiente, herzliche Applaus wollte nicht enden.” (Glarus24, 24.11.2021)