Antonín Dvořák: Missa w D-Dur op. 86 „Lužanská“

Antonín Dvořák dósta wot architekta a mecena čěskeho wuměłstwa, swojeho přećela Josefa Hlávki nadawk, składnostnje poswjećenja noweje kapałki na hrodźe Lužany stworić missu, kotraž hodźi so we wonej kapałce předstajić. Dvořák dyrbješe so potajkim při koncepciji a přesadźenju tuteho nadawka orchestra wzdać kaž tež wulkeho chóra. Bě to wužadanje, za kotrež bě wuměłc pozdźišo dźakowny. Po tym, zo bě wón dźěło na missy dnja 23. měrca 1887 započał, zamó je hižo tři měsacy pozdźišo zakónčić. Na dnju dozhotowjenja pisaše swojemu přećelej a nadawkidawarjej: „Mam česć, Wam sobuzdźělić, zo sym dźěło  (Missa D-Dur) zbožownje dokónčił a zo mam wulke wjeselo na tym. Myslu sej, zo budźe to twórba, kotraž swój zaměr spjelni. Tón móhł rěkać: wěra, nadźija a lubosć[…]“.
Prapředstajenje Missy D-Dur za solistow, komorny chór a pišćele wotmě so 11. septembra 1887 pod nawodom komponista a ze Zdenku Hlávku, mandźelskej nadawkidawarja, a z Dvořákowej mandźelskej Annu w žónskimaj solowymaj partijomaj w hrodowej kapałce.
Chór Serbskeho ludoweho ansambla pod nawodom Tvrtka Karlovića předstaji tutu twórbu z chórowymi solist(k)ami ansambla a z Soyoung Kim při pišćelach.

ANTONÍN DVOŘÁK: MESA W D-DUR OP. 86 „LUŽANSKÁ“

Antonín Dvořák jo dostał nadawk wót swójogo pśijaśela architekta a mecena čechojskego wuměłstwa Josefa Hlávki, k wuswěśenju noweje kapałki na jogo groźe Lužany mesu komponěrowaś, kótaraž dajo se w tej kapałce pśedstajiś. Dvořák jo musał se zbyś wjelikeje orchestroweje zestawy a wětšego chora rumnostneje wuskosći dla pśi koncepciji a pśesajźenju togo nadawka – wupominanje, za kótarež jo komponist pózdźej źěkowny był.
Za tym ako jo zachopił źěłaś na tej mesy 23. měrca 1887 a jo ju južo tśi mjasece pózdźej zakóńcył, jo wón swójomu pśijaśeloju a nadawkdawarjeju napisał: „Mam cesć, Wam k wěsći daś, až som źěło (mesa d-dur) glucnje dokóńcył a až se na to wjelgin wjaselim. Myslim se, až jo to twóŕba, kótaraž swój zaměr dopołnijo. Móžo se pomjeniś: Wěra, naźeja a lubosć […]“.
Prapremjera mese w d-dur op. 86 za solo, chor a orgele jo se wótměła 11. septembra 1887 pód nawjedowanim komponista a ze žeńskeju nadawkdawarja Zdenki Hlávkoweje, a Dvořákowa žeńska Anna we žeńskecych solo partijach w grodowej kapałce.