W fokusu: Jan Cyž

Jan Cyž narodźi so 1955 we Worklecach a wotrosće w Časecach. W šulskim času wuknješe na trompeće hrać a zastupi 1973 jako chórowy spěwar do Serbskeho ludoweho ansambla. W lětach 1983 do 1987 studowaše spěwanje w Drježdźanach a zabsolwowa priwatny studij kompozicije pola Jura Mětška kaž tež wukubłanje pola prof. Wilfrieda Krätzschmara.
Cyžowe prěnje kompozicije měrjachu so bóle na zabawnu a jewišćowu hudźbu a folkloristiske kompozicije, wosebje za Serbski ludowy ansambl. Wot srjedź 1980tych lět pak na-stawachu přiběrajcy twórby za najwšelakoriše komornohudźbne wobsadźenja.
Jeho kompozitoriske tworjenje charakterizuje wosebje komorna hudźba, w kotrejž wón klasiske wobsadki přez njekonwencionelne kombinacije instrumentow naruna, wobkedźbujo při tym charakteristiku zwuka kóždeho instrumenta w cyłkownym aranžemenće.
Składnostnje 70. narodnin Jana Cyža přeprošujemy wutrobnje na portretowy koncert, na kotrymž móžeće twórby jubilara w najwšelakorišich wobsadkach dožiwić.