Sinfonijowy koncert

Alexander Polinskiy (*2008)
„Potajnstwo – Das Geheimnis“

Hinc Roj (1927–2019)
koncert za klarinetu a orchester h-Moll op. 122

Ludwig van Beethoven (1770–1827)
činohrajna hudźba k Goethowym „Egmontće“ op. 84 

Lětuši sinfoniski koncert Serbskeje komorneje filharmonije pod nawodom jeje šefdirigentki Kathariny Dickopf steji pod motom „Potajnstwo – Das Geheimnis“. Za w Heidelbergu rodźenu hudźbnicu, kotraž wot zašłeje hrajneje doby wuměłsce tute čěleso wjedźe a hižo z nahladnymi orchestrami hromadźe dźěłaše kaž Sakskej statnej kapału Drježdźany a z MDR-sinfoniskim orchestrom, je wosebity zaměr tradiciju, přitomnosć a wulke europske hudźbne stawizny mjez sobu zwjazać. „Das Geheimnis“, twórba za orchester wot młodeho, wjelelubjaceho komponista Alexandera Polinskeho zahaji koncertowy program. Polinskiy bu na orchestrowej dźěłarničce w Halberstadtće z kooperaciskim mytom Serbskeho ludoweho ansambla wuznamjenjeny, dokelž je jury z jeho zrałej hudźbnej rěču přeswědčił, kotraž skutkuje subtilnje a tola mócnje wudyri. Sćěhuje klarinetowy koncert Hinca Roja, w kotrymž zwjazuje serbski komponist lyrisce a zdobom wirtuoznje wuraz instrumenta a ju mištersce wuwiwać zamóže. Z melodiskej ćopłotu a rytmiskej energiju wjaza Roj klasiske formacjie ze swójskim rukopisom a stwori tak twórbu z wuznamnej wuprudźacej mocu. Ludwig van Beethovenowa činohrajna hudźba k Goethowym „Egmontće“ op. 84 wječor ze sylnym wuznaćom k swobodźe a čłowjeskosći zakónči. Program wjedźe takrjec wot mytowaneho načasneho hłosa přez wuznamnu twórbu regionalnych hudźbnych stawiznow hač k uniwerselnej namołwje wo swobodźe a dostojnosći – koncert, kotryž potajnstwa wotkrywa a z Beethovenowym zahorjenym poselstwom mócnje wuklinči.