Reja.Wjasele! – Ceło wósebny rejowański workshop

Pśecej južo su se luźe gibali k muzice. Reju z našogo wšednego dnja wen, to njedajo se domysliś. To rejowanje pśinjaso nanejžpjerwjej wjasele,  cyni nas glucnych, zwězujo pak teke kultury a cele pśipódla jo to rejowanje teke wjelikne fitnestrening za cełe śěło. Reje su pśewšo wjelerake a se wě, až pśi temje reja ned se myslimy na balet, na klasiske rejowańske góźiny w rejowarskej šuli abo na kradu moderne formy rejowanja młodostnych, ako na pśikład contemporary, jazz-dance, hiphop, breakdance abo shuffeln dance.  

Toś ten rejowański kurs pak bitujo cele wósebny rejowański trening a jo wusměrjony na rejowańsku formu, kótaraž jo źinsa bóžko pśisamem zabyta abo bóžycko cesto se naglěda ako zaprošona a pśestarjeta:  jawišćowa folklora. Wjele wjasela to ale gótowaś móžo, se razantnje pógibowaś ku kšacenjam polki  a mazurki, to pokažotej rejowarskej wucabnika Serbskego ludowego ansambla,  Alexandra Wagner a Jan Kozelnicky. Ako něgajšnej profirejowarja SLA se nanejlěpjej wuznajotej. Wónej cotej wobźělnikow wopóznaś z folkloristiskim slědom jadnotliwych kšacow słowjańskeje rejowańskeje kultury a z togo wuwiś małe choreografije.

Rejowański kurs wótmějo se wót zeger 13.-17.00 w rejowarskem zalu źiwadła Piccolo. Wobźělnik płaśi 10,00 €. Ten, kótaregož zajm jo něto zbuźony, daś se rad pśizjawijo:  

informatiski centrum SLA w Chóśebuzu

telefoniski pód 0355-48576477 abo z e-mail  j.krueger@sne-gmbh.com