Dźeń wotewrjeneho pomnika

Röhrscheidtowa bašta je w ansamblu Budyskich wěžow adresa z wjele stawiznami. Wjedroweje chorhoje dla tež "Eulenburg" mjenowana bě hižo do 2. swětoweje wójny jako dźěl znateho hosćenca "Byrgarska zahroda" zetkanišćo Budyskeje wotnožki Schlaraffia. W běhu restawraciskich dźěłow bu bašta w hornim dźělu w dalokej měrje po přikładźe prjedawšeje "Schlaraffenburg" renowěrowana. Dźensniši dźeń wužiwa so bašta za mnohostronske zarjadowanja, mjez nimi tři do štyri króć wob lěto přeco hišće wot Schlaraffow, kotřiž w Budyšinje na njezlemjenu tradiciju, tež wo NDRskim času, zhladuja.
Na dnju wotewrjeneho pomnika wobsteji składnosć, sej Röhrscheidtowu baštu alias "Schlaraffowu wěžu" wobhladać. Za cyły čas (10:00 - 17:00 hodź.) su tež woprawdźite Budyske Schlaraffy přitomne, kotrež rady kóždežkuli prašenja wotmołwja. Wobrazowa prezentacija podawa zaćišće ze žiwjenja skerje žortneho ryćerskeho rjadu a tež schlalaraffiske nastroje a historiske fotografije so wustajeja. Jako wosebity wjeršk da k tomu wot 15:00 do 17:00 hodź. dudak Andreas Henčl tradicionalny serbski instrument ze wšelakimi kruchami zaklinčeć!