„Hercy, nět hrajće nam!“

Sakski krajny gymnazij za hudźbu Carl Maria von Weber płaći wot załoženja w lěće 1965 jako kowarnja talentow za dorostowe wuměłče a wuměłcow. Składnostnje 60. jubileja kubłanišća gastěruja młodźi hudźbnice a hudźbniki na městnach po cyłej Sakskej. Pod zaćišćom tutych hrajnišćow nastachu w ramiku projekta „60 lět – 60 městnow“ na fasetach bohate klinčace jězby w rozdźělnych formacijach a ansamblach. „Musikaliska róčnica w pohibowanju“ zwjaza ekscelencu w spěchowanju z dźakom wšěm, kotřiž šulu podpěruja.

Na swojim hóstnym koncerće na žurli Serbskeho ludoweho ansambla w Budyšinje wěnuja so młodźi talenća we wšelakich komornohudźbnych wobsadźenjach serbskemu repertoirej. Šulerki a šulerjo wot 5. hač do 8. rjadownje su na to přeprošeni, wćipnosć a wjeselo na wotkryću nowych hudźbnych krajinow z młodymi hudźbnicami a hudźbnikami dźělić. Nimo twórbow serbskich a ze serbskej kulturu zwjazanych komponistkow a komponistow kaž Korla Awgust Kocor (1822–1904), Bjarnat Krawc (1861–1948), Jan Pawoł Nagel (1934–1997) a Liana Bertók (nar. 1959) zahaji hóstny koncert z twórbami Johanna Baptista Vanhala (1739–1813), Sergeja Rachmaninowa (1873–1943) a Bronisława Kazimierza Przybylskeho (1941–2011) dalše słowjanske klinčace swěty ze wšelakich dobow.