
Smy! - Bin ich?
rejowany kruch
Rejowany kruch „Smy! – Bin ich?“ zaběra so z temu identita. Za njej pytać je za čłowjeka přirodne a bytostne. Zhromadnje z baletom Serbskeho ludoweho ansambla praša so Lipšćanska choreografka Gundula Peuthert, što woznamjenja, być serbski.
W pytanju za wotmołwami su so ludźo z Hornjeje a Delnjeje Łužicy w interviewach k serbskim temam naprašowali. Z toho wotwodźowaše choreografka maćiznu za wuwiće choreografijow.
Rejwarki a rejwarjo same zamóža so na zakładźe swojich rozdźělnych narodnosćow, swojeho pochada a pozadka z mnoho perspektiwow k mjenowanej temje bjez předsudkow bližić. Za toho, kiž je sam cuzy w cuzym kraju, je tónle puć – so z narodnej mjeńšinu w Němskej zaběrać – jara zajimawy.
Što su zhromadnosće, hdźe su rozdźěle, što su klišeje a što předsudki? Što sej mjez sobu a we wobchadźe ze sobu přejemy?
W rejowanej hrě myslow móžemy wšitcy něšto wo našej swójskej identiće a tej druheho zhonić.
Making-of
WOBSADŹENJE balet
INSCENACIJA A CHOREOGRAFIA Gundula Peuthert (j.h.)
WUHOTOWANJE Nicole Lorenz (j.h.)
DOŁHOSĆ PROGRAMA ca. 75 mjeńšin + přestawka