FOLKLORA!

Dožiwće nowy program rjada Folklora! pod hesłom “Běži, woda běži ” Serbskeho ludoweho ansambla. Dajće sej swjedźenski program lubić, na kotrymž njeprezentuja so  tónkróć jenož přewšo mnohostronske fasety serbskeje kultury: Chór, balet a orchester zhromadnje abo we wšelakich wobsadkach měrja swój fokus tohorunja do susodneho kraja Pólskej kaž tež do Rumunskej. A to z folklornej hudźbu, reju a folklornym spěwom w krasnych pisanych narodnych drastach. W napjatym, wotměnjawym programje zaklinča twórby serbskich komponistow Jana Bulanka, Jurja Winarja, Jurja Pilka a Jana Pawoła Nagela kaž tež Stanisława Moniuszka a Feliksa Nowowiejskeho w pólskim dźělu a wot Rumunow Georgea Enescu, Constantina Dimitrescu a Ioana Chirecu. Po programje wjedźe po zwučenym šarmantnym a zabawnym wašnju Kristina Nerád.