FOLKLORA!

Wjeselće so na swjedźeń za wšě zmysły, w kotrymž poskićuja wšitke tři sparty ansambla zhromadnje kaž tež we wšelakich wobsadkach reje, spěwy, sceny, folklornu  kaž tež wot folklory inspirěrowanu hudźbu we wšej pisanosći našich narodnych drastow. W přewšo wotměnjawym programje zaklinča twórby Jana Bulanka, Jurja Winarja, Korle Awgusta Kocora, Jana Pawoła Nagela, Jana Chlebníčeka, Clemensa Pötzscha a Huberta Krossa z chórom, orchestrom a baletom pod hudźbnym nawodom Kathariny Dickopf a w režiji Mije Facchinelli a Aleny Farkaš. Po programje wjedźe po zwučenym šarmatnym a wustojnym wašnju Kristina Nerád.