Błośańska noc powěsćow

Wukšadnjony pókład abo kak su kulki do Błotow pśišli

Teke lětosa wótcakujo woglědowarjow Błośańskeje nocy powěsćow muzikalny openair-spektakel wó stawiznach znatych serbskich powěsćowych figurow pśed impozantneju pśirodneju kulisu Bismarcowego torma w Bórkowach (Błota).

Lěto 1762 se zachopijo a se kněžy sedymlětna wójna w Błotach. Pawlina, źowka serbskego kjarcmarja w Bórkowach, njecowa mjaztym wó nic drugem, ako skóńcnje raz šćitnych, wužam pódobnych duchow kjarcmy a samo wužowego krala wósobinski wiźeś. Gaž pak wójaki wuśěgnu mysteriozny měch z kanala za kjarcmu, Pawlina se wupórajo na dyrdakojstwo, kótarež jo wětše nježli jeje nejwětše fantazije. Jej se njeraźijo jano šćitnego ducha Mata wiźeś, ale dej jogo teke ned pśed rozgniwanym wódnym mužom wumóžyś, kótaryž Mata kšadnjenja jogo pókłada dla wobwinujo. Na swójej wuchowańskej akciji do swěta duchow zgónijo Pawlina wěcej wó žycenjach a njewšednych zwuconosćach znatych serbskich powěsćowych figurow, ako jo wóna raz w powěsćowych knigłach cytała. Buźo Pawlina nykse a wuže, nocne lětarje a błudniki na swój bok ześěgnuś, aby wóna swójogo šćitnego ducha wěstego a strowego domoj spórała?

W pśiducej nocy powěsćow kresli Serbski ludowy ansambel z baletom, chorom, solistami a statistami z regiona dalšny muzikaliski spektakel, kótaryž pśedstajijo gromaduźaržanje znatych serbskich powěsćowych figurow. Woglědowarje mógu se na źiwne tšojeńko wó góspodliwosći, zagronitosći a wunamakaŕskem duchu w serbskich Błotach wjaseliś.

Lětosne stawizny Błośańskeje nocy powěsćow wuchadaju z pjera chóśebuskeje comicoweje wuměłcowki Siggiko. Režiju wjeźo Annika Nitsch a Błośańsku noc powěsćow 2025 wugótujo Linda Siegismund. Režiserka, wugótowaŕka jawišća a rownocasnje kostimaŕka stej južo mjazy drugim pśi produkcijach w Semperowej operje Drježdźany ako teke pśi statnem źiwadle Nürnberg z wuběrnymi wuslědkami gromaźe źěłałej. Mimo znatych serbskich melodijow komponěrujo Wolfgang Böhmer, kótaryž jo južo wěcej razow ze Serbskim ludowym ansamblom gromaźe źěłał, jadnoraznu muziku k spektakloju. Choreografije jo wugótowała baletna mejstaŕka Serbskego ludowego ansambla Mia Facchinelli.

W góźinskem pśedprogramje pokazuju regionalne wuměłce a towaristwa serbske nałogi z Dolneje Łužyce a publikum nazgónijo někotare slězyny a wěźenja gódne informacije kołowokoło serbskego powěsćowego swěta.

zastup: zeger 17:00
pśedprogram: zeger 19:30-20:30
głowny program: zeger 21.00

městno zarědowanja: Bórkowy (Błota), Bismarckowy torm

kórtki
pśedpśedań:
29,50 €/kórtku połna płaśizna
15,00 €/kórtku pónižone (8-15 lět)
pśi pśedłoženju „GästeCard“ 1,00 € rabat

wjacorna kasa:
34,50 €/ kórtku połna płaśizna
17,50 €/ kórtku pónižone (8-15 lět)
pśi pśedłoženju „GästeCard“ 1,00 € rabat

Źiśi až do dośěgnjonego 7. žywjeńskego lěta dostanu dermotny zastup.

Śěžko zbrašne wósoby płaśe połnu płaśiznu. Pśewóźowaŕ/-ŕka k tomu ma darmotny zastup. Nuzne jo, B-wopismo pokazaś.

Ekskluziwny shuttle serwis k błośańskej nocy:
Do- a slědkjězd 15,00 € pó wósobje
Rezerwěrowanje pód 035603 744880 abo vermietung@spreewald-energy.de
Głowne str. 19b, 03096 Bórkowy (Błota)

Kórtki dostanjośo w Online-Shop.

Link na internetnej stronje Błośańskeje nocy powěsćow

libreto: Siggiko (a.G.)
režija: Annika Nitsch (a.G.)
režijowa assistenca: Kristina Nerád
wugótowanje: Linda Siegismund (a.G.)
muzika: Wolfgang Böhmer (a.G.)
choreografie: Mia Facchinelli
chorowe nastudowanje: Tvrtko Karlović
techniske nawjedowanje: Christoph Bjarsch (bjarsch-vt.de) (a.G.)
zuk, swětło: bjarsch-vt.de (a.G.) | SNE
drastwina mejstarka: N.N.
maska: Anne Haase
dolnoserbski pśełožk: N.N.
wognjoškrjakot: Pyro-Passion Potsdam (a.G.)
sobuskutkowacy: balet a chór Serbskeho ludoweho ansambla, statisća, dźiwadźelnikaj