Błośańska noc powěsćow

Słušaju powěsći a myty napšawdu jano do starych, dawno zajźonych casow? W Bórkowach, wob cas Błośańskeje nocy powěsćow se wóni lěto wob lěto pśegótuju z gnujuceju muziku a rejami do bajkojteje formy. Ale ... Co by było, gaž njeby Błota wěcej eksistěrowali? Co by se stało z tymi how wjelgin znatymi, zakórjenjonymi bajkami, powěsćami a mytami, gaž by se plan pśedewześarja Dietricha Muksa dopołnił? Wón źe co zrownaś Błota, aby how natwarił wjelicku fabriku. Rowno z teju powěsću prasnjo wjelgickano bogaty Muks do wjasołego žnjownego swěźenja. Zaprědka maju to luźe za jaden žort, muse pak skóro wuznaś, až jo ten grozny plan jěra wěrnosć. Muks njama jano pjenjeze, ale teke wušy prezident prowince Bramborska stoj za nim. Pśewóźowany z wobronjoneju eskortu pśichwalujo luźam lěpšyny swójeje fabriki. Ako se mań luźi zwiga pśeśiwo tomu, pśiźo k namócy. Muks njedajo na tom cwiblowaś, až co swój plan pśesajźiś z cełeju mócu. 

Za wobydlarjow Błotow zda se byś situacija bźez naźeje, gaž njeby była Wanka, kótaraž njoco pśiwdaś, až se jeje domownja znicyjo. Młoda žeńska rozsuźijo se za něco zwite. Zmužna riskěrujo swójo žywjenje, aby znjemóžniła plany Muksa, togo kněza bźez skrupelow. Kak se to jej raźijo, co dožywijo na dwórje wódnego muža a cogodla tšuchły Janek, južo dawno do njeje kšajźu zalubowany, weto buźo hyšći swójski ryśaŕ Wanki, se na tom městnje njepśeraźijo.

Zawěsće mógu se woglědarje zasej wjaseliś na wjele powěsćowych figurow, wužowu kralowku a wužowego krala, wódnu žeńsku z muskim a źowku, na stare a nowe spiwy, wjasoły ruš, wjelicnu muziku a wjelicne reje.