Between us - Mjez namaj

Dnja 29. a 30. apryla 2026 wuměnitej so balet Serbskeho ludoweho ansambla Budyšin pod wuměłskim nawodom Miy Facchinelli a rejowanska kompanija dźiwadła Gerhart-Hauptmann Zhorjelcy-Žitawa pod nawodom Massima Gerarda. Rejowanski wječor Mjez namaj - Between us - Zwischen uns předstajtej ansamblej na woběmaj hrajnymaj městnosćomaj. 

Srjedźišćo projekta su choreografije wot rejowarkow a rejowarjow wobeju ansamblow. Wječor je mysleny jako zetkanje na samsnej runinje: rozdźělne choreografiske rukopisy, wašnja dźěła a kulturelne pozadki so zjednoća a wotewrja nowe perspektiwy načasneho rejowanja a zhromadneho skutkowanja.

Titul je so wědomje wupytał a pokaza na rum mjez ansamblomaj, w kotrymž mjez bliskosći a daliny, wuměny a samostatnosće wuměłske wudźěłki nastaja. Runočasnje pokaza projekt na nowy spočatk w ramiku wotewrjenych wuměłskich procesow a zhromadnej wuměłskej zamołwitosće.

Dwójka z ansambla Tanz Harz pod nawodom Tareka Assama wudospołni wječor přez přidatne choreografiske akcenty a z nadregionalnej wuměnu.