Kak je hawron ptači kwas zaspał

Runje je so jěžik Kałačik ze swojimi třomi přećelemi – wroblikom Fridom, myšku Pip-pip a žabku Šlapku z dowola wróćił. Nětko chcedźa jeho hižo do zymskeho spara pósłać. Na to pak Kałačik scyła nima lóšta. Chce mjenujcy skónčnje raz ptači kwas hawrona a sroki sobu swjećić. Dotal je jón kóžde lěto zaspał. Jeho nowa přećelka Poruška z koruška chce jemu pomhać. Tež wona nochce w zymje wostudu pasć. Štož Kałačikej přećiwo mučnoće wulkotnje pomha, je zelowy napoj, kotryž je jemu Poruška zwariła. Ale što potom, hdyž pěskowčik přińdźe, kotrehož běchu skazali, zo by sej Kałačik spěšnišo wusnył? Pěskowčika ze swojim měškom zasparneho pěska přelesćić pak scyła tak ćežko njeje. Ale kak tomu, zo nětk po wšěm zdaću hawron swój kwas přespi? Ptači kwas tola njesmě wupadnyć! Jěžik Kałačik a Poruška chcetaj zhromadnje ze swojimi přećelemi wšo za to činić, zo by so wulki swjedźeń tola hišće wotměł.