Wulkotna woda

oratorij po hudźbje Měrćina Weclicha a libreće Róže Domašcyneje

Ze swětnym oratorijom „Wulkotna woda“ pokročuje komponist Měrćin Weclich swój rjad wulkich hudźbnych jewišćowych twórbow. Zakład twórby su teksty Róže Domašcyneje, wudospołnjene z fotografiskimi dźěłami fotografa Maćija Bulanka. Aranžement přewza Drježdźanski komponist a producent Johannes Gerstengarbe.
W srjedźišću steji woda – jako wuchadźišćo žiwjenja, jako móc přirody a jako rum ze zwukom pohiba a změny. Raz měrnje a běžnje, raz mócnje a překwapjace rozwiwa so mnohostronska hudźbna krajina, w kotrejž so rytmus, hłós a orchestralne zwukowe barby mjez sobu spletu.
1. Serbska kulturna brigada a Serbska komorna filharmonija Budyšin twórbu zhromadnje předstajitej. Cyłkowny hudźbny nawod přewozmje Judith Kubicec. Dožiwće njewšědny koncertny wječor, kotryž hudźbu, rěč a wobraz skutkownje zwjazuje.

Zastup w Liberecach je darmotny. Na kóncu předstajenja prosymy wo kolektu.

WOBSADKA Serbska komorna filharmonija, 1. Serbska kulturna brigada, kapale „Johannes und Die Gerstengarbe“ a „Second Line Combo“

HUDŹBNY NAWOD Judith Kubicec

HUDŹBA Měrćin Weclich

ARANŽEMENT Johannes Gerstengarbe

LIBRETO Róža Domašcyna

Předstajenja

Keine weiteren Aufführungen in dieser Spielzeit.