Serbski sinfonijowy koncert

Na kóńcu grajnego casa pśepšosyjo Serbska komorna filharmonija na koncert, kótaryž stoj ceły w znamjenju serbskeje sinfoniskeje muziki. Na programje stoje mimo wuwześa twóŕby serbskich komponistow, kenž pśedstajiju nam šyroki stilistiski spektrum: wót temperamentnych rejowańskich sajźbow až k lyriskim, zamyslonym momentam. Wósebnosć na tych kompozicijach jo zwězanje tradicije a pśibytnosći, to zapśěgnjenje elementow serbskeje ludoweje muziki ako melodiske temy abo rytmiske struktury w kradu indiwiduelnej nacasnej zukowej rěcy. Tak nastawaju twóŕby, kótarež su kšuśe zakórjenjone w swójskej kulturje a maju rownocasnje nadregionalny wóznam. Serbska komorna filharmonija dopokazujo z toś tym koncertom statkownje wjelerakosć a samostatnosć serbskeje sinfoniki – jo to muzikaliski wjerašk ako zakóńcenje zapśimujuceje sezony.