Rumunske nocy

W opulency rumunskeje kultury špiheluja so wliwy mnohich etniskich a nabožnych mjeńšin kaž tež krajinowa mnohotnosć. W melanži ze sinfoniskich twórbow, ludowych hudźbow a rejow zawjeseleja balet, chór a orchester Serbskeho ludoweho ansambla publikum z bohatej stilistiskej mnohotnosću tutoho kraja mjez orientom a okcidentom.
Předstajenje zahaja rejwarki a rejwarjo Łužičanskeje rapsodije. Po zwučenym wašnju přewodźa Kristina Nerád publikum ze zabawnymi anekdotami přez wječor. Jako solisća witaja hudźbnicy mecosopranistku Vivien Georgiev a dudaka Andreasa Henčla. Při solowej wiolinje je koncertny mišter Miłosz Wieliński a při trompeće Daniel Metzenmacher słyšeć. Choreografije su wot Mije Facchinelli a Juraja Siski.