Gundermann Classic
open air - orchester a chór SLA & band
Kai-Uwe Jahn & band wěnuja so w swojim lětušim programje w Mortkowje jězdźerjej bagra we wuhlowej jamje a spěwotwórcej Gerhardej „Gundi“ Gundermannej, kiž by w februaru 70 lět stary był. Poezija jeho spěwow je bjezčasna a jich wobsahi su mnohim znate. Zhromadnje z našim chórom a orchestrom a w aranžementach Bernda Wefelmeyera, kiž projekt hudźbnje nawjeduje, zjednoća so tři zwukowe ćělesa, zo bychu najlěpše spěwy wuhloweho kumpla předstajili.
