2. Sinfoniski koncert

Wolfgang Amadeus Mozart
uwertira k operje „Così fan tutte“ KV 588

Ulrich Pogoda
„Concerto saxofonia“ 

Felix Mendelssohn Bartholdy
Sinfonija čo. 1 c-moll op. 11

W 2. sinfoniskim koncerće pod titulom „Goldene Klänge (Złote zynki)“ zahraje Serbska komorna filharmonija pod nawodom Kathariny Dickopf tři twórby, kotrež zjednoća elegancu, wirtuozitu a młodźinski raz a rozwija šěroki spektrum zynkow mjez klasiku, modernu a romantiku. Na spočatku zaklinči uwertira k operje „Così fan tutte“ Wolfganga Amadeusa Mozarta. Žortniwje, z duchom a so swĕćacej lochkosću słuša tuta k najznaćišim započatkow operow 18. lětstotka. Wosebity wjeršk je „Concerto saxofonia“ serbskeho komponista Ulricha Pogody, kotryž zwjazuje bliskosć serbskeje ludoweje hudźby z modernu do pisaneje zwukoweje rěče. Solowy part přewozmje Gerold Gnausch, pochadźacy z Hornjeje Łužicy, bywši solo-saksofonist a nětko solo-basklarinetist Komiskeje opery w Berlinje, kotryž zamóže na swojim instrumenće lyriske zynki, ale tež wirtuozne kaskady rozwiwać. Na kóncu zaklinči Sinfonija čo. 1 c-moll Felixa Mendelssohna Bartholdija, kotruž je komponist z jenož 15 lětami dokónčił. Horliwa energija, młodźinski elan a čućiwa tworićelskosć wučinja tute jeho zažne dźěło, hdźež je hižo njezapomnity raz pozdźišeho romantikarja wusłyšeć. „Goldene Klänge (Złote zynki)“ – hudźbny wječor, kiž so błyšćacu elegancu z modernym wurazom zwjazuje a publikum po třoch lětstotkach hudźbnych stawiznow wjedźe.