W fokusu: Božena Nawka-Kunysz
Za špihelom woprawdźitosće
Ze surealnymi wobrazowymi swětami, mócnymi barbami a poetiskimi symbolemi stwori serbsko-pólska molerka, grafikarka a ilustratorka Božena-Nawka Kunysz bjezčasnu twórbu. Ze swojej njezaměnliwej, ekspresiwnej wobrazowej rěču, w kotrejž špiheluja so zwiski na pólsku awantgardu runje tak kaž motiwy serbskeje folklory, přewiny wona hranicy a tworješe zwiski. Při tym předstajeja jeje twórby wuměłske refleksiske rumy k čłowjeskim poćaham a swětam začućow.
Portret rysuje jeje žiwjenski puć – wot lět dźěćatstwa w Hornjej Łužicy přez studij na Krakowskej akademiji wuměłstwow we wotnožce w Katowicach hač k jeje skutkowanju jako mjezynarodnje připóznata wuměłča.
Nimo toho hotuja šulerki a šulerojo Delnjoserbskeho gymnazija Choćebuz wšelake objekty w ramiku wuměłskeho projekta, kotrež so w SLA dokoławokoło předstajenja wustaja.
Z přećelnej podpěru wot:
Město Chóśebuz
W kooperaciji ze Serbskim muzejom w Budyšinje.
WOBSADŹENJE
BALET Megan Philipps, Laura Hartland, Andrea Castillo
CELLO Matthias Hübner
PŘEDNOŠK Christina Boguszowa
ČITANJE Měrana Cušcyna, Róža Domašcyna, Benedikt Dyrlich, Měrka Mětowa, Tomasz Nawka
ROZMOŁA Janusz Kunysz, Julia Knape Lange, Benedikt Dyrlich
MODERACIJA Milenka Nawka
Předstajenja
Keine weiteren Aufführungen in dieser Spielzeit.