15. swójbna schadźowanka

Wosebite narodniny zasłuža sej wosebity swjedźeń! Składnostnje 25-lětneho wobstaća Rěčneho centruma WITAJ přeprošamy wutrobnje serbske a dwurěčne swójby, našich partnerow kaž tež wšitkich zajimowanych a přewodźerjow zhromadnje z nami swjećić.
Wjeselimy so, Was njedźelu, 1. měrca 2026, wot 15:00 hodź. na 15. swójbnu schadźowanku w Serbskim ludowym ansamblu w Budyšinje witać směć.
Snano so samo na swójske wašnje serbsce zdrasćiće a tak k swjedźenskej atmosferje přinošujeće?
Wěnčki, kłobuki, fale, sekle a muchi móžeće sej při našej fotowej boksy wupožčić..
Was wočakuje pisany program za cyłu swójbu. Swjedźenski zazběh wuhotuja – kaž hižo z woblubowanej tradiciju – małe rejwarki a mali rejwarjo „Łužičanki“.
Kóždu połnu hodźinu wočakuja Was na žurli ansambla dalše wotměnjawe zhromadne akcije (hlej lětak).
Cyły čas móžeće dźěłarnički a zaběry wopytać.
Za najmłódšich změjemy paslenje, dźěćacy sport a přijomny čitanski róžk spřihotowany.
Starše dźěći smědźa so na eksperimenty, techniku, nowe medije a dalše překwapjenki wjeselić.
A wězo prezentujetej časopis LUTKI a Ludowe nakładnistwo Domowina tež lětsa swoje najnowše poskitki za swójby a dźěći.
Starši maja mjeztym składnosć, so z fachowčemi a ekspertami wo rěčnym kubłanju wuměnjeć abo při kofeju, tykancu a dalšich słódnych přikuskach bjesadować a sej popołdnjo lubić dać.
Wjeselimy so na wjesołe a zhromadne swójbne popołdnjo z Wami!
Darmotnje parkować móžeće na Třělnišću a při Schliebenowej dróze.