Myška w mróčelach

musical za dźěći

Z lubosće, přećelstwa a magije su sony stworjene. Běše raz šikwana myška z mjenom Sofija. Tuta přeješe sej z cyłeje wutroby, zo móhła lětać kaž ptačk. Jako runje na jeje narodninskim swjedźenju kocor wosrjedź jeje hosći skoči a sej hawrona Walentina popadny, wuchowa Sofija ptakej žiwjenje. Jako dźak wza hawron myšku na swojim chribjeće sobu na mały lět nad lěsami a łukami. Pozdźišo přeprosy sej ju samo na swój slub ze sroku. Tam pak sta so to njemóžne: Walentin a Sofija zalubowaštaj so. Hawron swój slub ze sroku rozpušći. Sofija pak je w swojim zbožu njezbožowna. Kak měła z hawronom hromadźe žiwa być, hdyž njemóže lětać? Podarmo pospytuje so w lětanju. Skónčnje so rozsudźi, złeho Čorneho młynka wo křidle prosyć. Ani jeje přećel žurk Napoleon njezamóže jej jeje strašne předewzaće wurěčeć. Myška so zakuzła, tola štó zamóže ju wumóžić?

Nowinske referency



Chór a orchester SLA

hudźba: Dieter Kempe
režija: Konrad Herrmann | nowonazwučowanje: Alena Farkašowa
wuhotowanje: Marlit Mosler j. h.
libreto: Jěwa-Marja Čornakec
Baćon/powědar (serbsce): Istvan Kobjela j. h.

 

 

Keine weiteren Aufführungen in dieser Spielzeit.

Impresije

© Marlit Mosler, Stefan Cuška