Štyri na raz

Štyrjo smyčkarjo Serbskeho ludoweho ansambla hudźa wjesołe, mjenje znate twórby za kwartety. Leopold Schefer (1728-1805), w Mužakowje rodźeny přećel z młodych lět wjercha Herrmanna wot Pücklera-Mužakowbu, bu hakle w lěće 2006 jako komponist znaćiši, jako wěnowachu so jemu k 222. posmjertnym narodninam wjacore koncerty we wobłuku Łužiskeho hudźbneho lěća. Wot njeho zaklinči čo. 1 w d-moll z romskich kwartetow op. 20. Z 1. smyčkowym kwartetom w d-moll Stanisława Moniuszka zaklinči kompozicija najwuznamnišeho pólskeho komponista, nimo Chopina, kiž so w swojej domiznje tež “Pólski Schubert” mjenuje. Maniuszko charakterizuje so jako “młody, połnje entuziazma a žortny”, štož je z jeho komorneje hudźbje tež wusłyšeć. Dwě mjeńšej twórbje zakónčitej lěćny program: 2. sadźba temy a wariacijow z 1. smyčkoweho kwarteta Helmuta Fryče, dołholětneho chóroweho nawodu a dramaturgu SLA 50tych/60tych lět a wobdźěłanje delnjoserbskeho ludoweho spěwa “Zasejpśijźeńe” cellista Helfrieda Knopsmeiera.

SMYČKOWY KWARTET ANSAMBLA

Marzena Wysocka (wiolina)

Matthias Reichel (wiolina)

Agata Juryś (brača)

Hefried Knopsmeier (wioloncello)

MODERACIJA Kristina Nerád