Argentinske nocy

Hudźbny swjedźeń Smochćicy

Jako so Astor Piazolla z Parisa do Argentinskej nawróći, započnje wón hnydom z rewoluciju tangowa. Jazzowe rytmy, zynki hač do rocka a barokowe hołdowanje na Bacha měšeše wón tak prowokantnje do dostojneje reje, zo so přiwisnicy tradicionalneho tangowa hnydom hóršachu. Dźensnišeho dnja wjac njeje trjeba “nowy tango” zakitować. Wuměłcy Serbskeho ludoweho ansambla kaž tež argentinscy hudźbnicy wot Orquesta Municipal de Tango “Ciudad de la Plata” přinjesu zapal, dramatiku a erotiku wot “Nuevo Tango” na jewišćo. Argentinska poskići nam pak wjac hač jenož tango. Sinfoniske kompozicije Alberta Ginastery, kiž běše připódla prajene wučer kompozicijow Piazzolly, wobohaća program runje tak kaž folklorne kruchi směra Zamba - měšeńca rejow a hudźby europskich zapućowarjow a prawobydlerjow južneje Ameriki. Podpěru dóstanu wuměłcy wot hudźbnikow łužiskeho ansambla “Tango Misterio” a jich spěwarki Adriany Macchi.
Po programje “Tam, hdźež tón měsačk swěći” přeproša towarstwo “Via Regia Musikevents” zhromadnje ze Serbskim ludowym ansamblom pod nawodom Judith Kubicec znow na hudźbny swjedźeń Smochćicy pod powabnu kulisu doma biskopa Bena.
Njedźelu wotměje so na samsnym městnje swójbne popołdnjo. Młode rejowarki a rejowarjo dźěćaceje rejwanskeje skupinje Serbskeho ludoweho ansambla “Łužičanka” wotewrja program w 14 hodź.. W 15 hodź. zaklinča wjesołe spěwy z dźěćacym a tercetowym chórom wokrjesneje hudźbneje šule Budyšin. Wot 15.30 hodź. přewodźa Bigband 50plus z Drježdźan přez popołdnjo. Wiki a atrakcije kaž skakanski hród, knihowe wiki, wohnjowa wobora, paslenje a molowanje přeprošuje młódšich a staršich na zhromadny swjedźeń.      


hudźbny nawod: Judith Kubicec

choreografija: Celia Milan, Mia Facchinelli

nastudowanje chórow: Andreas Pabst

dramaturgija: Helfried Knopsmeier, Tomas Kreibich-Nawka

wuhotowanje: Kathleen Grunau

technik: B.EST, Barfknecht-Event Support Total, Gebauer und Barfknecht GbR

sobuskutkowacy:
balet, chór & orchester Serbskeho ludoweho ansambla

Orquesta municipal de Tango „Ciudad de La Plata“ (argentinska)

Tango Misterio

spěwna solistka: Adriana Macchi

projektny chór lajkow

moderacija: Kristina Nerad

Keine weiteren Aufführungen in dieser Spielzeit.