Zynki a linki

Składnostnje 70. narodnin Jana Cyža a 60. narodnin Tima Meškanka wuhotuje Serbski ludowy ansambl w bašće swojeho domu hudźbno-literarny wječor. W Sorabistiskim instituće w Lipsku skutkowacy filologa a historikar Timo Meškank je w swojim žiwjenju tohorunja basnje spisał a wudał. Ze zběrkow "pój do rejki …" a "rěč je hrajka ..."   wubra Jan Cyž loni někotre teksty a  zhudźbni je za spěwne solo a klawěr. Kompozicije přednjesetaj spěwar Pětr Cyž a pianist Paul Bernewitz prapremjernje. Dalše literarne teksty čita Hanka Rjelcyna, mjez druhim dožiwjenje Jurja Winarja (Jurk)  za čas studija w Drježdźanach ze swojim kuzenkom Maksom Rječku, dźědom Tima Meškanka.