Intimate Piano

Woči zańdźelić, na rjane zynki słuchać a sej atmosferu lubić dać. Tak móže připosłuchar tež móličke detaile hudźby słyšeć a zaznać.

Koncert wěnuje so minimalistiskej hudźbje a druhim neoklasiskim elementam, kotrež su kombinowane z elektroniskej ambience-hudźbu a zajimawymi efektami ze swěcu a widejom. W srjedźišću steja měrne, melancholiske, k přemyslowanju pohnuwace swójske kompozicije Budyskeho hudźbnika Symana Hejduški. Jeho přewodźa smyčkowy orchester Serbskeho ludoweho ansambla kaž tež dalši regionalni hudźbnicy, spěwarki a spěwarjo.

Syman Hejduška, rodźeny 1996, studowaše hudźbu na wučerstwo w Drježdźanach a nawukny wšitko wo hudźbnych produkcijach w Nashville (USA). Hudźbnje bu wobwliwowany wot klasiki, dujerskeje, popoweje a rockoweje hudźby kaž tež wot hip hopa hač k jazzej, elektroniskeje a techno-hudźby. Wšitke tute wliwy so tež někak w jeho kompozicijach wotbłyšćuja.
Hižo w kulturnej zahrodźe SLA w lěće 2022 zamó wón přihladowarjam swoju hudźbu zbližić.