Překlepana liška

interaktiwna hudźbna bajka - online

Serbski ludowy ansambl přeprošuje dźěći na interaktiwnu hudźbnu bajku “Překlepana liška”. Live-koncert z orchestrom a rěčnikom wotměje so digitalnje na znatej serbskej internetowej stronje www.schadzowanka.de.
Stawizna jedna wo lišce, kiž ma tójšto dyrdomdejow zmištrować. Z małym žorćikom sej wona wjelka, mjedwjedźa a dźiwje swinjo za njepřećelow sčini. Nětko dyrbi přećiwo tutym sylnym přećiwnikam wojować. Ale liška njemóže dobyć, dokelž ma jenož staru kóčku a słabeho psa k pomocy. Tola liška njeby “překlepana” rěkała, njeby-li hižo mudry plan měła. Kak drje so tutón bój skónči? Z kotrymi překwapjacymi idejemi so liška wuchowa?
W tutym předstajenju njebudu dźěći jenož připosłucharjo, ale móža při zhromadnym spěwanju  a hudźenju tež sobu skutkować. Za to dyrbja sej najlěpje do toho hižo wěko hornca, někotre škleńcy, mutličku (ně.: Quirl) a, jeli maja, tež klinkački přihotować.


Nowinarske referency

WOBSADŹENJE orchester Serbskeho ludoweho ansamblaa a rěčnik

RĚČNIK Pětr Cyž

HUDŹBNY NAWOD Soyoung Kim

HUDŹBA Liana Bertók

REŽIJA Liana Bertók

LIBRETO Jěwa-Marja Čornakec

WUHOTOWANJE Liana Bertók

STAROBNE DOPORUČENJE wot 5 lět

Předstajenja

Telefonlisćiki a informacije:(03591) 358 111ticket©sne-gmbh.com
16. meja 2021
11.00 hodź
SLA Budyšin

Impressionen