Zynki a linki

hudźbno-literarny wječor z Hanku Rjelcynej

“Wuměłske dźěło je předewšěm zrawjenski proces. Pomału zrawi wědomje spisowaćela, pomału rosće jeho hladanje na čłowjeka a pomału přiswoja sej wón swoju metodu pisanja.” Tole zwěsći Marja Młynkowa, kiž je w swojim času serbskej prozy nowe měritka stajiła. Ani cyły lětdźesatk njebě jej spožčeny za wotkryće swojeho literarneho talenta. Z jeje spisowaćelskeho tworjenja čita Hanka Rjelcyna na hudźbno-literarnym wječoru SLA twórby “Pola ćety na prózdninach”, “Błótowski dyrdomdej anno domini 1904”, “Mejski bruk” a “Lěćo stareje žony”. Naposledk mjenowana twórba wěnuje so basnicy Minje Witkojc a je zdobom poslednja twórba Marje Młynkoweje. Smyčkarjej Ling-Show Lee (wiolina a małe serbske husle) a Artur Malinowski  (brača a wulke serbske husle) čitanje z hudźbnymi twórbami Detlefa Kobjele, Jura Mětška a samo wobdźěłanymi kruchami serbskeje a mjezynarodneje folklory wubrubitaj.   

Čitanje budźe w serbskej rěči.

Hanka Rjelcyna - linki

Ling-Show Lee (husle a małe serbske husle) a Artur Malinowski (brača a wulke serbske husle) - zynki

Předstajenja

Telefonlisćiki a informacije:(03591) 358 111ticket©sne-gmbh.com
25. měrc 2020
19.30 hodź
Budyšin, Röhrscheidtowa bašta SLA