Mamy přičinu swjećić!

70 lět Serbski ludowy ansambl & znowawotewrjenje našeho domu

Před 70 lětami, dnja 1. apryla 1952, zahajichu so prěnje proby Serbskeho ludoweho ansambla w Budyšinje. Hižo 21. decembra 1952 wotmě so w Choćebuskim dźiwadle prěni zjawny wustup – Serbski ludowy ansambl, pod nawodom Jurja Winarja bě załoženy. Wot toho časa zrozumi so čłonstwo ansambla jako kulturny pósłanc w tu– a wukraju.

Z swjedźenskim kóncom tydźenja k 70lětnemu wobstaću ansambla chcemy zdobom naš dom po dwulětnej intensiwnej fazy přetwara a renowěrowanja zaso publikumej wotewrěć.

Wjeselće so na pisany program z wuměłskimi spartami ansambla a mnoho hosćimi. Nimo toho maće móžnosć, nowe rumnosće SLA zeznać.

Chcemy sej zhromadnje na 70 lět Serbski ludowy ansambl připić a tutón podawk porjadnje woswjećić!


sobotu, 8. oktobra 2022, 19:30 hodź.
SLA & PŘEĆELJO


chór, balet a orchester SLA wuhotuja wječor zhromadnje ze serbskimi wuměłcami, lajskimi skupinami a partnerami

z hosćom su mjezdruhim: skupina astronawt, Serbski folklorny ansambl Wudwor, serbska rejowanska skupina Smjerdźaca, 1. serbska kulturna brigada

Po programje zapiska DJ k rejam.


njedźelu, 9. oktobra 2022, 14:00-18:00 hodź.
DŹEŃ WOTEWRJENYCH DURI


Program na jewišću wuhotuja chór, balet a orchester SLA, dźěčaca rejowanska skupina "Łužičanka" a serbska pěstowarnja "Jan Radyserb-Wjela" z Budyšina.

W rumnosćach ansambla wuwisaja plakaty, fota a dopomnjenki z 70 lět Serbskeho ludoweho ansambla.

Za najmłódšich wopytowarjow je skakanski hród a paslenska stacija spřihotowana.

 

 

Předstajenja

Telefonlisćiki a informacije:(03591) 358 111ticket©sne-gmbh.com
07. oktober 2022
19.30 hodź
SLA Budyšin
Telefonlisćiki a informacije:(03591) 358 111ticket©sne-gmbh.com
08. oktober 2022
19.30 hodź
SLA Budyšin
Telefonlisćiki a informacije:(03591) 358 111ticket©sne-gmbh.com
09. oktober 2022
14.00 hodź
SLA Budyšin