70 lět Serbski ludowy ansambl

Před 70 lětami, dnja 1. apryla 1952, móžachu z probami w Serbskim ludowym ansamblu  započinać. Wulki přiklesk, kiž 250 sobuskutkowacych serbskich lajskich skupin při III. swětowych hrach młodźiny a studentow 1951 w Berlinje žněješe, pohonjowaše wosebje dirigenta a komponista a pozdźišeho prěnjeho intendanta ansambla Jurja Winarja, wiziju wo załoženju profesionalneho  wuměłskeho ansambla zwoprawdźić. Ze swojim šoferom Janom Kindermannom, legendarnym techniskim direktorom prěnich lět, dojědźe sej Winar do serbskich wjeskow, pytajo za talentami, kiž su zwólniwi, swój hobby k powołanju sčinić. Z třomi spartami chór, balet a orchester wotmě so 21. decembra 1952 w dźiwadle w Choćebuzu prěni zjawny wustup – Serbski ludowy ansambl bě załoženy.

Z tutych mjeztym hižo 70 lět, w kotrychž bě ansambl we wjac hač 40 krajach na štyrjoch kontinentach z něhdźe 14.000 hóstnymi wustupami jako pósłanc Serbow po puću był, mamy njeličomne čitanja hódne nowinske artikle, rozprawy, anekdoty atd., kiž móžeće składnostnje jubileja wot nětka na našej webstronje wotwołać. Kóždu srjedu wozjewi so nowa pdf-ka, kiž móžeće tydźeń wob tydźeń čitać, hromadźić a sej snano samo jako chroniku zestajeć.

• 1952
• 1954
• 1955
• 1956
• 1957
• 1958
• 1959
• 1960
• 1961
• 1962
• 1963
• 1964
• 1965
• 1966